Публикации » М.Игнатьев Пуçлăх кунне хутшăннă

04 июля 2015 г.

ИЮНĔН 30-мĕшĕнче Чăваш Республикин Пуçлăхĕн тивĕçĕсене вăхăтлăха пурнăçлакан Михаил Игнатьев Муркаш районĕнче Пуçлăхпа муниципал служащийĕн кунне халалласа ирттернĕ савăнăçлă мероприятие хутшăннă. Пуçлăх кунне, кăçалхине шутласан, саккăрмĕш хут йĕркелесе ирттернĕ. Михаил Игнатьев районсемпе хуласен, ял тăрăхĕсен пуçлăхĕсене çакăн пек пысăк пĕлтерĕшлĕ уявпа саламланă. «Кашни район ыттисенчен йăла-йĕркепе, культура пуянлăхĕпе уйрăлса тăрать, - тенĕ Михаил Васильевич. - Эпир пĕрле тăрăшса ĕçлесен халăх пурнăçне лайăхлатма пултаратпăр». Пуçлăхпа муниципал служащийĕн кунĕнче тĕрлĕ спорт ăмăртăвĕсем иртнĕ. Ăмăртусенче пирĕн Шăмăршă районĕн туслă команди те лайăх кăтартусемпе палăрнă.

Н.ДМИТРИЕВ.