Публикации » Инкеке сирес тĕллевпе - вĕренỹ

04 июля 2015 г.

Июнĕн 26-мĕшĕнче Палтиел ялĕ çывăхĕнчи шыв управĕнче çутçанталăк кăларса тăратма пултаракан инкек-синкекрен сыхă тăрас тĕллевпе кăмандăпа штаб вĕренĕвĕ иртнĕ. Çак мероприятие Чăваш Республикинчи Экологи тата çутçанталăк ресурсĕсен министерствин оперативлă ушкăнĕ, республикăри Шалти ĕçсен министерствин хурал ушкăнĕ, «Гидроресурс» КУ вăйĕсем, чрезвычайлă лару-тăрупа пушар хăрушсăрлăхĕ енĕпе ĕçлекен комисси, Шăмăршă районĕнчи аварире çăлакан служба вăйĕсем хутшăннă. Вĕренĕвĕн тĕп задачи - вăйлă çумăрсене пула пĕве татăлса каяс хăрушлăх сиксе тухсан васкавлă мерăсем йышăнасси. Ятарлă службăсем вĕренỹ вăхăтĕнче хăйсен тивĕçĕсене питĕ лайăх пĕлнине çирĕплетсе панă.

И.ДМИТРИЕВ.