Публикации » Кăвайт чĕртме юрамасть

04 июля 2015 г.

ЧР Правительствин 163-мĕш постановленийĕпе килĕшỹллĕн пирĕн республикăра кăçалхи май уйăхĕн 24-мĕшĕнчен пушара хирĕçле ятарлă режим çирĕплетнĕ. Ку режим халĕ те сыхланса юлать, мĕншĕн тесен çанталăк шăрăх тăрать. Вăрманта кăвайт чĕртме, пирус туртма пачах та юрамасть! Ятарлă режим вăхăтĕнче пушар хăрушсăрлăхĕн йĕркине пăхăнмасан РФ Административлă правăна пăсни çинчен калакан кодексăн 20.4 статйин 2 пайĕпе килĕшỹллĕн административлă майпа штраф тỹлеттерме пултараççĕ: граждансене - 2 пин тенкĕрен пуçласа 4 пин тенкĕ таран, должноçри çынсене - 15 пин тенкĕрен пуçласа 30 пин тенкĕ таран, юридици сăпачĕсене - 400 пин тенкĕрен пуçласа 500 пин тенкĕ таран. Унсăр пуçне çак правилăсене пăснăран пушар тухсан, вут пурлăха пысăк сиен кỹрсен тата çынсем вилсен е гражданин ятарласа вут тĕртсен ăна уголовлă майпа та явап тыттарма пултараççĕ.

А.КЛЯЖЕВ.