Публикации » Чысларĕç хисеплĕ çынсене

11 июля 2015 г.

Пуянкассинчи библиотекăра нумай ачаллă Тимошкинсен çемйине савăнăçлă лару-тăрура чысларĕç. Килхуçи - Владимир Михайлович - «Колос» Агрофирма» ЗАО тракторисчĕ. Унăн юратнă мăшăрĕ - Наталия Михайловна - Виçпỹрт Шăмăршăри пуçламăш шкул директорĕ. Тимошкинсем вунă çул ытла пĕрне-пĕри юратса, кăвакарчăнсем пек килĕштерсе пурăнаççĕ, тăватă ача çитĕнтереççĕ. Тĕлпулу çавра сĕтел хушшинче иртрĕ. Хисеплĕ çемьене Пуянкасси ял тăрăхĕн пуçлăхĕ Аркадий Кузьмин, хĕрарăмсен канашĕпе культура ĕçченĕсем саламларĕç. Ялти илемлĕ пултарулăх коллективĕн артисчĕсем вара музыка саламĕпе уява хаваслăх кỹчĕç. - Çакăн пек хисеплесе чыслани чунтан савăнтарчĕ, уяв ĕмĕр манăçмĕ, - терĕç хумхануллăн телейлĕ Тимошкинсем.

Н.ФЕДОТОВА.