Публикации » Тыл ĕçченне чысларĕç

15 июля 2015 г.

Çак кунсенче Шăмăршăра пурăнакан тыл ветеранĕ Елена Николаевна Кузьмина 90 çул тултарчĕ. Юбилей ячĕпе саламлама хисеплĕ ватă патне район администрацийĕн пуçлăхĕн çумĕ Владимир Денисов, социаллă хỹтлĕх пайĕн заведующийĕ Надежда Федорова тата Шăмăршă ял тăрăхĕн администраци пуçлăхĕн тивĕçĕсене туса пыракан Николай Дмитриев килнĕ. Владимир Васильевич ветерана район администрацийĕн пуçлăхĕ ячĕпе ăшшăн саламларĕ, Раççей Федерацийĕн Президенчĕн Владимир Путинăн Тав Çырăвне пачĕ. Çулĕсем нумай пулин те, Елена Николаевна çивĕч ăслă-ха. Тăван çĕршывăн Аслă вăрçин çулĕсенче ялта çав тери нушаллă пурăнни, ватти-вĕтти Çĕнтерĕве çывхартассишĕн ырми-канми ĕçлени çинчен чуна хумхантармалла каласа пачĕ. Вăрçă хыççăн вăл Мичурин ячĕллĕ колхозра ĕçленĕ. Фронтран аманса таврăннă Александр Александровича качча тухса пилĕк ача пăхса çитĕнтернĕ.Тăван çĕршыв Елена Кузьминана медальсемпе чысланă.

Н.ФЕДОРОВА.