15 июля 2015 г.
Район администрацийĕн вĕренỹпе çамрăксен политики пайĕнчен пĕлтернĕ тăрăх, кăçал вăтам шкул пĕтернисенчен çиччĕшĕ ылтăн медале тивĕçнĕ. (Халĕ çакнашкал медальпе кăна чыслаççĕ, кĕмĕл медальпе наградăлассине пăрахăçланă). Шкултан «чи лайăх» паллăсемпе вĕренсе тухнă, обществăлла ĕçсене хастар хутшăннă май, Шăмăршă вăтам шкулĕн выпускникĕсене Юлиана Антонована, Мария Кузнецована, Алена Львовапа Алина Надюкована ылтăн медаль парса хисепленĕ. Карапай Шăмăршă вăтам шкулĕнчен çак наградăна Анна Кондратьева, Палтиел вăтам шкулĕнчен Ильсия Санатулловапа Владимир Сергеев илнĕ. Асăннă выпускниксене вăтам шкула медальпе пĕтернĕ ятпа саламлатпăр, аслă вĕренỹ заведенийĕнче те лайăх паллăсемпе вĕренсе пыма, общество пурнăçĕнче хастарлăх кăтартма ăнăçу сунатпăр.
М.ВАНИН.