Публикации » Право йĕркине çирĕплетес тĕллевпе

22 июля 2015 г.

Июлĕн 20-мĕшĕнче район администрацийĕнче районти право йĕркине пăснине хирĕç кĕрешес тĕлĕшпе ĕçлекен комиссин черетлĕ ларăвĕ иртнĕ, ун ĕçне район администрацийĕн пуçлăхĕ Валерий Фадеев тата район прокурорĕ Сергей Егоров хутшăннă. Ведомствăсем хушшинчи комисси ларăвĕнче право йĕркине пăсасран асăрхаттарас тĕллевпе полицин участокри уполномоченнăйсем профилактика ĕçне мĕнле туса пынине сỹтсе явнă, вĕсем вырăнти хăйтытăмлăх органĕсемпе мĕнле çыхăнса ĕçленине тишкерсе тухнă. Çавăн пекех çынсене ĕçе вырнаçтарас, обществăшăн усăллă ĕçе явăçтарас, ачасен çуллахи канăвне тивĕçлипе йĕркелес ыйтусене те сỹтсе явнă. Ял тăрăхĕсен пуçлăхĕсем ларура право йĕркине пăсасран профилактика ĕçне вăйлатас тĕлĕшпе вырăнсенчи обществăлла комиссисем мĕнле ĕçлени çинчен каласа панă.

В.ДМИТРИЕВ.