Публикации » Герой - хулара пулчĕç

22 июля 2015 г.

Çак кунсенче Чăваш Республикинчи «Чапаевец» шырав отрячĕн хастар боецĕсем - Шăмăршăри тата Карапай Шăмăршăри вăтам шкулсенче вĕренекенсем – В.П.Кузьминапа Ю.Ф.Ермолаев педагогсем ертсе пынипе Герой-хулара Севастопольте пулнă. Çулçỹреве «Чăваш Республикинчи Тинĕс-çар Флочĕн ветеранĕсен Союзĕ» обществăлла организаци пуçарнипе йĕркеленĕ. Пирĕн вĕренекенсем Севастопольти историпе мемориал комплексĕнче, музейĕсенче пулса курнă, шырав отрячĕн ĕçне хутшăннă. 25-мĕш Чапаев дивизийĕн музейĕнче пулса курни те ĕмĕр манăçмĕ. Севастополе патăррăн хỹтĕленĕ çар çыннисене халалланă "35-мĕш çыранри бригада" историпе мемориал комплексĕ 1942 çулхи июньте - июль пуçламăшĕнче хаяр çапăçу пынă çĕрте вырнаçнă. Приморски армин "Çыранри батарея №1" штабĕнче пулса курни, çĕр айĕнчи шкулта Паттăрлăх урокĕ ирттерни, паллă мар салтак патне çыру çырни те яланлăхах асра юлĕ.

Ю.ФЕДОРОВ.