Публикации » Ачуна çурат, хăвна савăнма…

25 июля 2015 г.

Çул çитменнисемпе ĕçлекен, вĕсен прависене хỹтĕлекен комиссин çак кунсенче иртнĕ черетлĕ ларăвне - ăна район администрацийĕн пуçлăхĕн çумĕ В.Петьков ертсе пычĕ - хăйсен çул çитмен ачисене кирлĕ пек пăхма, вĕсене тивĕçлĕ тимлĕх уйăрма тăрăшман ашшĕ-амăшне чĕнтерсе илсе калаçрĕç. Шăмăршăра пурăнакан, вунулттăра пыракан яш каçхине обществăлла вырăнсенче ỹсĕр çỹрени палăрнă. Комиссии членĕсем çул çитмен çамрăкăн амăшне, Административлă право Кодексĕн 20.22 статйипе килĕшỹллĕн, 1500 тенкĕ штраф тỹлеттерме йышăнчĕç. Хăйсен çул çитмен ачисене хăш чухне кирлĕ тимлĕх уйăрман пирки Виçпỹрт Шăмăршăри ача амăшне 500 тенкĕ штраф тỹлеттермелле турĕç. Асанкассинчи хĕрарăма асăрхаттарса хăварчĕç. Çак хĕрарăмсем малашне хăйсен ачисене яланах кирлĕ пек пăхма шантарчĕç. Çул çитменнисемпе ĕçлекен, вĕсен прависене хỹтĕлекен комисси вара çакна тĕрĕслесех тăрĕ.

М.АВАНИН.