Публикации » Çемье телейĕ - чи кирли

29 июля 2015 г.

Июлĕн 24-мĕшĕнче Шăмăршăри Культура Керменĕнче районти хĕрарăмсен Канашĕн отчетпа суйлав конференцийĕ иртнĕ. Ун ĕçне, делегатсемсĕр пуçне, район администрацийĕн пуçлăхĕ Валерий Фадеев тата ЧР Çутçанталăк ресурсĕсемпе экологи министрĕн ĕçĕсене туса пыракан Евгений Юшин хутшăннă. Районти хĕрарăмсен Канашĕ планпа килĕшỹллĕн ĕçлесе пынă, начартарах пурăнакан çемьесемпе тата çул çитмен çамрăксемпе ĕçлесси çине уйрăмах тимлĕ пăхнă. Пур енчен те ырă тĕслĕх кăтартакан çемьесен пурнăç опытне анлă сарма тăрăшнă. Районти демографи лару-тăрăвĕпе пĕрмай интересленнĕ, çамрăк çемьесем виçĕ ачаран кая мар çуратчĕр тесе ăнлантару-хавхалантару ĕçне илсе пынă. Конференци делегачĕсем хĕрарăмсен Канашĕн отчетлă тапхăрти ĕçне вăтам хак панă.

М.КРАСНОВА.