29 июля 2015 г.
Июлĕн 24-мĕшĕнче Чăваш Республикин Тĕп суйлав комиссийĕ Чăваш Республикин Пуçлăхне суйланма «Раççей Федерацийĕнчи Коммунистсен партийĕ» политика партийĕн Чăваш регион уйрăмĕ кандидата тăратнă Валентин Сергеевич Шурчанова регистрациленĕ. В.С.Шурчанов 1947 çулта çуралнă, Раççей Федерацийĕн Патшалăх Думин депутачĕ, РФ Патшалăх Думин информаци политики, информаци технологийĕсемпе çыхăну енĕпе ĕçлекен Комитет председателĕн пĕрремĕш çумĕ. Июлĕн 24-мĕшĕнчех Чăваш Республикин Тĕп суйлав комиссийĕ Чăваш Республикин Пуçлăхне суйланма «Справедливая Россия» политика партийĕн Чăваш регион уйрăмĕ кандидата тăратнă Олег Алексеевич Николаева регистрациленĕ. О.А.Николаев 1969 çулта çуралнă, Чăваш Республикин Патшалăх Канашĕн депутачĕ, «Ханты-Мансийский банк Открытие» ПАО операципе технологи процесĕн оптимизаци управленийĕн проекчĕн ертỹçи. Çав кунах Чăваш Республикин Тĕп суйлав комиссийĕ Чăваш Республикин Пуçлăхне суйланма ЛДПР - Раççейри Либерал-демократи политика партийĕн Чăваш регион уйрăмĕ кандидата тăратнă Константин Сергеевич Субботина регистрациленĕ. К.С.Субботин 1982 çулта çуралнă, Раççей Федерацийĕн Патшалăх Думин депутачĕ, РФ Патшалăх Канашĕн çутçанталăк ресурсĕсем, çутçанталăкпа усă курасси тата экологи енĕпе ĕçлекен Комитет председателĕн çумĕ. Регистрациленĕ кандидатсене пурне те ятарлă удостоверенисем панă. Тĕп суйлав комиссийĕн членĕсем документсемпе малалла ĕçлеççĕ. Апла-тăк, Чăваш Республикин Пуçлăхĕ пулма суйламашкăн тăратнă кандидатсен йышĕ ỹсесси паллă.