29 июля 2015 г.
Августăн 1-31-мĕшĕсенче республикăра «Трактор» профилактикăллă операци-уйăхлăх иртет. Ку операцие шалти ĕçсен министерствипе Чăваш Енри Гостехнадзор пĕрле йĕркелеççĕ. Унăн тĕп тĕллевĕ - тракторсене, хăй тĕллĕн çỹрекен машинăсемпе ытти техникăна, прицепсене хăрушсăрлăхпа тивĕçтересси. Тĕрĕслевсем ирттернĕ вăхăтра регистрацилемен, тĕрĕслев витĕр кăларман юсавсăр техника хатĕрĕсем çине тимлĕх уйăрăпăр тата кивелнĕ техникăна утилизацилеме сĕнĕпĕр. Уйрăм çынсем чылай техникăна тĕрĕслев витĕр кăларманнипе, уйăхлăх вăхăтĕнче çакăн çине уйрăмах тимлĕ пăхăпăр. «Трактор» уйăхлăх вăхăтĕнче патшалăх техника тĕрĕслевĕн тата ГИБДД инспекторĕсем ял тăрăхĕсенче рейдсем йĕркелĕç, техникăна тĕрĕслĕç.
В.МАТВЕЕВ,
ЧР Патшалăх техника надзорĕн районти аслă инспекторĕ