01 августа 2015 г.
РАÇÇЕЙ ФЕДЕРАЦИЙĔН спорт министерстви Раççейри регионсемпе пĕрле «Физкультурăпа спорт аталанăвĕ» патшалăх программипе ĕçлет. Федераллă статистика сăнавĕн кăтартăвĕсем тăрăх, 2014 çулта патшалăх программисене мĕнлерех пурнăçланине шута илнĕ хыççăн, Раççей Федерацийĕн субъекчĕсен рейтингĕнче Чăваш Республики 82 регион хушшинче улттăмĕш вырăн йышăнни палăрнă. РФ спорт министрĕ Виталий Мутко, Чăваш Ен Пуçлăхĕн тивĕçĕсене вăхăтлăх пурнăçлакан Михаил Игнатьев лайăх результатсемпе ĕçленине палăртса çапла каланă: «Хисеплĕ Михаил Василье- вич, физкультурăпа спорт аталанăвĕн ыйтăвĕсемпе тимлĕ пулнăшăн Сире чĕререн тав тăватăп». Çак результатсем Чăваш Республикинче çĕнĕрен те çĕнĕ спорт комплексĕсене хута янипе, спорт резервне хатĕрлес тата халăх хушшинче сывă пурнăç йĕркине çирĕплетес тĕлĕшпе ăнăçлă ĕçленипе çыхăннă.
ЧР Пуçлăхĕн Администрацийĕн пресс- служби.