Публикации » Сычуаньпе малашне те ĕçлесшĕн

15 августа 2015 г.

АВГУСТĂН 7-мĕшĕнче Китайри Чэнджу хулинче «çавра сĕтелре» Раççейпе Китай представителĕсем килĕшỹ алă пуснă. Раççейри Renova Orgsyntes, Китайри Beier Chemical Group тата Lutianhua Group компани- сем Чăваш Республикинче глисофат (анлă сарăлнă гербицид) тăвас ĕçе йĕркелеме килĕшнĕ. Ăна Çĕнĕ Шупашкарти «Химпром» заводра хатĕрлеме пуçлĕç. Палăртнă тăрăх, çак проектăн инвестицисен калăпăшĕ 2 миллиард долларпа танлашать. Завода 2016-2017 çулсенче хута ярасшăн. Унсăр пуçне Чэндурах Чăваш Енри аталану тата Сычуаньти чукун çул инвестици корпорацийĕсем пĕрле ĕçлесси çинчен килĕшỹ алă пуснă. Çак кунсенчех Шупашкарта «Агропарк Чувашия - Сычуань» компанин офисĕ уçăлнă. Вăл пирĕн республикăра агропромышленноç предприятине хута ярас енĕпе тăрăшать.