26 августа 2015 г.
ИРТНĔ шăматкун Шăмăршăра иккĕмĕш хут республика шайĕнчи дуатлон ăмăртăвĕ иртрĕ. Унта спортсменсем чупу-велосипед-чупу программăпа тупăшрĕç. Ăмăрту тĕллевĕ - çамрăксене спорта анлăрах явăçтарасси. Хальхинче старта Шупашкарпа Çĕнĕ Шупашкар хулисенчен, Çĕрпỹ, Патăрьел, Комсомольски, Куславкка, Йĕпреç районĕсенчен килнĕ дуатлонистсем тухрĕç. Ăмăртăва Шăмăршăра çуралса ỹснĕ, халĕ Çĕнĕ Шупашкарта пурăнакан Илья Хлюкинпа Дмитрий Ефимов пуçларĕç. Вĕсем хальхинче те хăйсен ăсталăхĕпе палăрчĕç. Çĕнтерỹçĕсем, яланхи пекех, медальсемпе Дипломсене тивĕçрĕç. Ăмăртăва йĕркелесе ирттерме пулăшнăшăн Чăваш Республикин триатлон Федерацийĕн президенчĕн çумĕ А.Яковлев О.Хлюкин фермера Тав çырăвĕпе чысларĕ.
В.АНТОНОВ.