Публикации » Кашни минут хаклă

26 августа 2015 г.

Ĕнерхи  кун тĕлне районти ялхуçалăх предприятийĕсемпе фермерсем 4690 гектар çинчи (58 проц.) тырпула пуçтарса кĕртнĕ. Вăтам тухăç хальлĕхе - гектартан 16,6 центнер. Анат Чаткасри А.Юнкеров фермер гектартан 23-шер, Палтиелĕнчи И.Алиуллов фермер - 22-шер, Карапай Шăмăршăри О.Хлюкин фермер 19-шар центнер урпа çапса илнĕ. Юлашки çумăрсене пула тырă чĕрĕрех, пухса кĕртме çăмăл мар. Çĕр ĕçченĕсем уяр çанталăкăн кашни минучĕпе тухăçлă усă курма тăрăшаççĕ. Пĕрлех вăрлăх та хатĕрлеççĕ. Паян О.Хлюкин фермер хуçалăхĕ, «Восход» СХПК, «Колос» Агрофирма» тата «Шанс» ООО ыраш акма пуçăнаççĕ. Анат Чаткасри А.Юнкеров фермер çĕрулми кăларать. «Жуковский ранний» сорт гектартан 200-шер центнер ытла тухать.