Публикации » Сỹтсе явмалли сахал мар

23 сентября 2015 г.

Шăматкун Чăваш Ен Пуçлăхĕ Михаил Игнатьев Шăмăршă районĕн администраци пуçлăхĕпе ĕçлĕ тĕлпулу ирттернĕ. Валерий Фадеев район çыннисем иртнĕ суйлавра пысăк активлăх кăтартни çинчен пĕлтернĕ. Чăваш Ен Пуçлăхне суйлама шăмăршăсем 90 процента яхăн хутшăннă, суйлавçăсен 85 проценчĕ Михаил Игнатьевшăн сасăланă. Çакă ял çыннисем Михаил Васильевича пысăк шанчăк панине çирĕплетсе парать. Чăваш Республикин Пуçлăхĕ хăйне малалла та ĕртỹçĕ тивĕçне пурнăçлама шанса панишĕн тав тунă, тав сăмахĕсене район çыннисем патне çитерме ыйтнă. Тĕлпулура çавăн пекех бюджетăн тупăш пайне ỹстерес тата ялхуçалăхне аталантарас ыйтусене сỹтсе явнă. Валерий Фадеев кăçалхи район бюджечĕн палăртнă кăтартăвĕсем пурнăçланса пынине пĕлтернĕ. Александр Сатеевăн хресчен (фермер) хуçалăхĕ часах республикăн суту-илỹ точкисенче «мраморлă» ĕне ашĕ сутма пуçласси çинчен каланă.

М. ЮМАНОВА