Публикации » Амăшĕн капиталĕ – пысăк пулăшу

14 октября 2015 г.

 Республикăн амăшĕн(çемье) капиталне çемьере виççĕмĕш е ун хыççăнхи ача çуралсан (усрава илсен) 2012 çулхи январĕн 1-мĕшĕнчен пама тытăннă. Çак пулăшăва кил-çурта лайăхлатма, çав шутра çурт-йĕр туяннă чухне усă курнă кредита е ипотека кредитне тỹлесе татнă çĕрте тата ачан (ачасен) вĕрентĕвне тỹленĕ чухне усă курма юрать. Республика шайĕнчи амăшĕн капиталĕ 100 пин тенкĕпе танлашать. Районта кăçалхи 9 уйăхра амăшĕн капиталне паракан сертификатне илме пурĕ 33 заявлени йышăннă, вĕсенчен çирĕм саккăрăшĕ çемьере 3 ача çуратакансенчен пулнă, пиллĕкĕшĕ – 4-мĕш ача çуратакансенчен. Пурĕ амăшĕсенчен сакун ĕçе кĕнĕренпе 160 заявлени йышăннă. Паянхи кун тĕлне 18 çемье сертификатпа усă курнă та ĕнтĕ. Унпа ытларах çурт-йĕр туянма е кредит тỹлеме усă кураççĕ.