Публикации » Вĕсене пуринчен ытлах хисеплесчĕ

31 октября 2015 г.

Октябрĕн 29-мĕшĕнче районта инвалидсен обществин отчетпа суйлав конференцийĕ иртрĕ.  Ун ĕçне район администрацийĕн пуçлăхĕ В.Денисов, Чăваш Республикинчи инвалидсен организацийĕн председателĕ М.Кузьминых, Чăваш Республикин социаллă страховани фончĕн районти тĕп специалист-уполномоченнăйĕ Е.Кудрявцева хутшăнчĕ. Конференцине район администрацийĕн пуçлăхĕ уçрĕ. Владимир Васильевич пухăннисене районта кăçалхи 9 уйăхра туса ирттернĕ ĕçсемпе паллаштарчĕ. Çавăн пекех вăл сывлăхран хавшак е сусăрланнă çынсене тимлĕх кирли тата вĕсене мĕн май килнĕ таран пулăшма тăрăшни çинчен каларĕ. Маргарита Павловна респуб- ликăри инвалидсен ĕçĕ-хĕлĕпе паллаштарчĕ, тĕрлĕрен проектсенче хутшăнма чĕнсе каларĕ. Декабрĕн 3-мĕшĕнче Пĕтĕм тĕнчери инвалидсен кунĕ. Асăннă мероприяти те çак кунпа çыхăннă. Сывлăхсăр çынсен пурнăçĕнче тĕрлĕрен чăрмавсемпе ыйтусем сахал мар. Н.Федорова – халăха социаллă пулăшу паракан пай ертỹçи - çаксене веçех шута илнĕ. Çавăнпа ĕнтĕ конференцин ытларах пайĕ С.Егоров прокурорпа иртнĕ. Сергей Ильич «Раççей Федерацийĕнче инвалидсене социаллă пулăшу парасси» законпа тĕплĕн паллаштарчĕ. Конференци ĕçне хутшăнакансем районти инвалидсен обществин ертỹçине суйларĕç, ревизи комиссийĕн отчетне итлерĕç.