31 октября 2015 г.
Унта министр çумĕ Анатолий Яковлев тата лесничество ертỹçи Владимир Глухов хутшăннă.Шăмăршă лесничестви Шăмăршă, Патăрьел, Комсомольски тата Елчĕк районĕ сенче вырнаçнă, унăн пĕтĕмĕшле территорийĕ 73576 гектар. Вăрмансен пысăк пайĕ тĕллевлĕ усă курмалли, ытти хỹтлĕх шайĕнче шутланаççĕ. Йывăçсен ытларах пайĕ - лăсăллисем. Шăмăршă лесничествинче ỹсекен йывăçсен пĕтĕмĕшле запасĕ - 9329, 9 пин кубла метр. Коллективра вара пурĕ 67 çын вăй хурать. Лесничествăра вăрмана çĕнетмелли тата аталантармалли çулталăк планне пĕтĕмпех пурнăçланă. Хушма культурăсене лартасси, вĕсене агротехника тĕлĕшĕнчен пăхса тăрасси, хунавсем лартма çĕр хатĕрлесси те тивĕçлĕ шайра. Кунта йывăç хатĕрлеме вăрман участокĕсем уйăрса парас, ялхуçалăх ĕçĕсем туса пырас тата ытти тĕллевсемпе аренда килĕшĕвĕсене тунă. Вăрмансенчи пушар хăрушсăрлăхĕшĕн Шăмăршăпа Патăрьелĕнчи Вăрман хуçалăхĕн центрĕн участокĕсем яваплă. Сăмах май, 2015 çулта вăрмансенче вут-çулăм алхаснă тĕслĕхсем пулман. Сергей Павлов çакăншăн коллектива тав тунă. Йывăçсене закона пăсса касассинчен тимлĕ пулмаллине те аса илтернĕ. Вăрманта çỹп-çаппа ытти хытă каяшсем тăкассине те чарса лартмалла. Министр тивĕçĕсене вăхăтлăха пурнăçлаканăн шухăшĕпе, вăр- ман фончĕн çĕрĕсем - свалка мар. Сергей Павлов çавăн пекех вăрман хуçалăхĕн ĕçченĕсен ыйтăвĕсем çине те хуравланă.
М.ЮМАНОВА.