11 ноября 2015 г.
Малашне «Вăтам Атăл» тата «Чăваш вăрманĕ» наци паркĕ Атăлçи регионĕсенчи туризма аталантарас ĕçре партнерсем пулса тăрĕç. «Вăтам Атăл» портал халĕ 7 региона пĕрлештерсе тăрать: Самара, Саратов, Ульяновск, Пенза облаçĕсене тата Тутарстан, Мордва, Чăваш Республикисене. Çак портал хăйсем тĕллĕн çул çỹреме юратакансемшĕн уçăлнă. Асăннă информаци площадкин тĕп уйрăмлăхĕ регионсенчи хуласемпе туристсене илĕртсе тăракан объектсене питĕ тĕплĕ сăнласа пани. Çуран е автомашинăпа кайса куракансем валли кашни маршрута туллин, уçăмлă çырса кăтартнă. Çулçỹревçĕсем кирек епле халиччен пулман вырăнта та çухалса ан кайччĕр тесе çапла тăрăшнă. Унчченхи çулçỹревсем çумне çĕнĕлле йĕркеленĕ маршрутсем те хутшăннă, унтах культурăпа туризмри çĕнĕ хыпарсене те, çак вырăнта иртекен интереслĕ уявсемпе фестивальсем çинчен те пĕлме пулать. «Чăваш вăрманĕ» наци паркĕ «Вăтам Атăл» порталпа туслă çыхăну тытни Чăваш Республики, чăвашсен историйĕпе культури çинчен ытларах пĕлтерме май парать. «Вăтам Атăл» портал сайчĕсем хамăрăн тавралăхра та мĕн тĕрлĕ интереслĕ вырăнсем пурри çинчен тĕлĕнмелле илемлĕ каласа параççĕ. Тăван енрех çутçанталăкпа киленме те, ĕлĕкхи тата çĕнĕ объектсене курса пĕлме те май пур. Н.Игнатьева.