14 ноября 2015 г.
Тĕрĕслеве чаплăн уçнă çĕрте Чăваш Республикин вĕрентỹпе çамрăксен политикин министрĕн çумĕ С.Петрова та хутшăнчĕ. Кадетсем паян - тăван шкулăн, районăн, республикăн чăн-чăн патриочĕсем. Вĕсем юлташлăха, салтак чысне, çирĕп дисциплинăна туйса аталанаççĕ, тăван çĕршывне чун-чĕререн юратса, ĕçĕсемпе парăнса çитĕнеççĕ. Кĕрхи тĕрĕслевре республикăри шкулсенче вĕренекен пине яхăн кадет тупăшрĕ. Тĕрĕслев пилĕк тĕрлĕ ушкăнра иртрĕ. Конкурс программинче хаваслă маршпа утасси тата строй зачечĕ. Шăмăршă шкулĕнчи кадетсем хăйсен ỹсĕмĕнчи ушкăнра тивĕçлĕ кăтартма пултарчĕç. Ахальтен мар 8 «а» кадет класĕ çĕнтерỹçĕ ята тивĕçрĕ. Ку çитĕнỹре, паллах, шкулти кадет класĕсен наставникĕн Александр Еремеевăн тỹпи те пысăк. Саламлатпăр сире, маттур кадетсем!
Г.КУДРЯВЦЕВА.