Публикации » Пĕрлехи информаци кунĕ

14 ноября 2015 г.

Унăн тĕп теми - Чăваш Республикинче 2016 çулта Ĕç çынни çулталăкне хатĕрленсе ирттересси. Информаци кунĕнче çавăн пекех 2015 çулхи декабрĕн 14-мĕшĕнче Пĕтĕм Раççейри граждансене йышăнас, çитес çулта иртекен Раççейри ялхуçалăх çыравĕн ыйтăвĕсене те хускатма палăртнă. Тепĕр çивĕч ыйту - кĕркуннехи-хĕллехи тапхăрта пушар хăрушсăрлăхĕн правилисене пăхăнасси. Информаци кунне ирттерме Шупашкартан Чăваш Республикин транспорт тата çул-йĕр министрĕ В.Доброхотов ертсе пыракан ушкăн килсе çитмелле. Унăн йышĕнче - Чăваш Республикинчи стандартизаци, метрологи тата тĕрĕслев Федераллă учрежденийĕн директорĕ С.Абрамов, Чăваш Республикинчи ветеринарипе фитосанитарийĕн федераллă службин ертỹçин çумĕ Н.Романов тата Чăваш Республикин Патшалăх Канашĕн Аппарачĕн ертỹçи А.Ухтияров.