14 ноября 2015 г.
НОЯБРĔН 11-мĕшĕнче Шупашкарта Ачасемпе çамрăксен керменĕнче «Хунав» ятлă шкул çулне çитмен ачасен конкурс-фестивалĕ иртнĕ. Çак мероприятин тĕллевĕ: чăваш халăхĕн культурине сыхласа хăварасси, ачасен пултарулăхне аталантарасси, тăван культурăна юратма вĕрентесси. Çакнашкал конкурс республикăра халиччен пулманччĕ-ха, çавăнпа çамрăк артистсем пăлханни те сисĕннĕ. Çапах та пирĕн район чысне хỹтĕлекен «Сказка» ача садне çỹрекен Настя Ларшникова çухалса кайман. Г.Ларшников аслашшĕ çырнă «Эпĕ – чăваш ачи!» сăвва вăл çĕкленỹллĕ кăмăлпа, илемлĕ вуласа панă, «Янра, сăввăм, хытăрах!» номинацире çĕнтерỹçĕ пулса тăнă. Çак диплом 6 çулхи Настьăшăн республика шайĕнчи пĕрремĕш çитĕнỹ. Малашне те ăнăçу сана, пĕчĕкçĕ сцена ăсти!