05 декабря 2015 г.
Пушар вăхăтĕнче çынсем инкек- синкек ан курччĕр тесе пушарниксемпе çăлакансем час-часах халăхпа тĕлпулусем, ăнлантару ĕçĕсем туса ирттереççĕ.Çакăн пек тĕлпулусем нумаях пулмасть Шăмăршă тата Пуянкасси ял тăрăхĕсенче пулса иртнĕ. Госпожнадзор, полици районти уйрăмĕн 42-мĕш пушар чаçĕн, газ службин тата ял администрацийĕн специалисчĕсенчен тăракан пысăк ушкăн Шăмăршă, Энтĕрьел, Çĕнĕ Шăмăршă, Виçпỹрт, Пуянкасси тата Хайпăла ялĕсенче килĕрен çỹресе тĕрĕслев тата ăнлантару ĕçĕсем ирттернĕ. Кăçалхи декабрĕн 1-мĕшĕ тĕлне пирĕн районта 18 пушар тухнă (2014 çулта – 15), 5244 пин тенкĕлĕх сиен кỹнĕ. Пушар вăхăтĕнче 2 çын сиенленнĕ, вилнĕ тĕслĕхсем пулман. Яланхи пекех пушар тухнă тĕслĕхсем çынсем пурăнакан çуртсенче электрообору- довани приборĕсемпе усă курас йĕркесене пăхăнманни, вут-кăварпа асăрхануллă пулманнипе çыхăннă.
А. НИЗАМОВ, Шăмăршă районĕнчи 42-мĕш пушар чаçĕн сотрудникĕ.