Публикации » Тинех - çĕнĕ хваттерсем

12 декабря 2015 г.

ĔНЕР, декабрĕн 11-мĕшĕнче, Шăмăршăри юхăннă çуртсенче пурăнакансене çĕнĕ хваттерсене куçма хваттер уççисем панă. Çакă - республикăри ятарлă программăпа çыхăннă пулăм. Малашне Космовский урамĕнчи нумай хваттерлĕ çуртра чылай çемье хăйсен пурнăç условийĕсене лайăхлатĕç. Çĕнĕ хваттерсен уççисене илнисене район администрацийĕн пуçлăхĕ В.Денисов, Чăваш Республикин Патшалăх Канашĕн депутачĕ П.Никифоров саламланă. Çĕнĕ çурта Шăмăршăри "Строитель плюс" акционерсен уçă пĕрлешĕвĕ кĕске хушăра туса лартнă. Кунта пурăнма мĕнпур условисем пур - хуларинчен кая мар. Тавах район ертỹçисене, строительсене, - теме çеç пултарчĕç хваттер уççисене илекенсем.