Публикации » Пуянкассем - çĕнтерỹçĕсем

16 декабря 2015 г.

Вăййа район çыннисем хушшинче шахматла выляс ăсталăха аталантарас тата чи лайăх вылякансене тупса палăртас тĕллевпе йĕркеленĕ. Хĕрсемпе хĕрарăмсем хушшинче М.Кузьмина çĕнтерчĕ, иккĕмĕшпе виççĕмĕш вырăнсенче – З.Тимошкина тата К.Матвеева (пурте Пуянкассинчи пĕтĕмĕшле пĕлỹ паракан тĕп шкулта вĕренеççĕ). Яшсемпе арçынсенчен хальхинче те темиçе хут та район чемпионĕ ята тивĕçнĕ Н.Куприянов пуринчен те ăста выляни палăрчĕ (Шăмăршă ял тăрăхĕ). Иккĕмĕш картлашка çине çак ял тăрăхĕнчи А.Константинов хăпарчĕ, виççĕмĕш вырăнпа Д.Ефимовăн (Пуянкасси шкулĕ) çырлахма тиврĕ. Пĕтĕмлетỹсем тунă хыççăн çакă паллă пулчĕ: 1-мĕш вырăна Пуянкасси ял тăрăхĕ тухрĕ. Призерсем - Шăмăршă тата Карапай Шăмăршă ял тăрăхĕсем. Вăйăра палăрнă шахматистсене Дипломпа тата парнесемпе чысларĕç. Вĕсем ăмăрту йĕркелекенсене тав турĕç, шахмат вăййисем татах та пуласса чăтăмсăррăн кĕтни çинчен каларĕç.

 Хамăр корр.