26 декабря 2015 г.
Хăй вăхăтĕнче Таланцевсем «Хыпар» хаçат кăларма укçа-тенкĕпе пулăшнă, Етĕрне библиотекине 7 пин ытла кĕнеке парнеленĕ. Форумра тĕрлĕрен «çавра сĕтелсем» ĕçленĕ, çĕнĕ кĕнекесене пахаланă, «Мĕн? Ăçта? Хăçан?» литературăпа çыхăннă ăс-тăн вăййине хутшăнма май пулнă. Литература ĕçĕнче хисепе тивĕçнĕ Е.Дашко Чĕмпĕр поэчĕпе те курнăçнă. Вăл Раççейри çамрăк поэтсен фестивалĕн дипломанчĕ. Мускавра пурăнакан ача-пăча писателĕ С.Георгиев та форума хутшăнакансене ырă туйăмсем парнеленĕ. Çавăн пекех Чăваш Енри Е.Лисина, З.Сывлăмпи, Н.Пăрчăкан,Л.Сарине çыравçăсемпе тĕлпулусем иртнĕ, форума килнисем вĕсемпе асăнмалăх сăн ỹкерттернĕ. Форум ĕçне пирĕн районтан Ю.Борисова (Палтиелĕнчи вăтам шкул), Л.Ахметова (Шăмăршăри вăтам шкул) республикăри сочинени конкурсĕн призерĕсем тата вĕсен вĕрентекенĕсем З.Свекловапа А.Яковлева хутшăннă. Сочинени авторĕсене ЧР вĕрентỹпе çамрăксен политикин министрĕ В.Иванов Дипломпа наградăланă, учителĕсене – Тав çырăвĕпе чысланă. Литература çулталăкĕ вĕçленчĕ, анчах та кулленех алла кĕнеке тытсан литературăн тĕлĕнмелле тĕнчине уçăпăр.