Публикации » Пенси мĕн чухлĕ пулĕ?

23 января 2016 г.

Ĕçлекен пенсионерсене ăна августăн 1-мĕшĕнчен çĕнĕлле шутласа параççĕ. Унта иртнĕ çул ĕçлесе пухнă балл кĕрет. Çав хушăра пенси коэффициенчĕн суммине 3 тата унран ытла мар шайĕпе (18 пин тенкĕ шалуран ытла мар) шута илеççĕ. Пĕр сăмахпа каласан, уйăхри ĕç укçи мĕн чухлĕ пулни - 18 е 198 пин тенкĕ - пĕлтерĕшлĕ мар, çав-çавах 214,13 тенкĕрен ытла хушăнмĕ (балл хакĕ 71,41х3) 2016 çулхи апрелĕн 1-мĕшĕнчен социаллă пенсие 4 процент чухлĕ индексацилеççĕ. Çар пенсийĕ çитес çулта инфляци шайĕнчен 2 процент пысăкрах пулмалла. Унсăр пуçне пенси виçи çарта вăй хураканăн окладĕнчен килет. Анчах 2016 çулта бюджетра çар çыннисен укçине индексацилеме пăхман.