27 января 2016 г.
Чăваш Республикин Пуçлăхĕ Михаил Игнатьев Патшалăх Канашне янă черетлĕ Çырăвĕнче ытларах экономика, çĕнĕ производствăсем йĕркелес, вĕрентỹ ĕçне, сывлăха çирĕплетес ыйтусем çинче чарăнса тăнă. Çавăн пекех, çынсене социаллă пулăшу парасси. Пирĕн регионта, сăмахран, çĕнĕрен те çĕнĕ ача сачĕсем уçăлаççĕ. Çынсене ĕçпе тивĕçтересси те начар мар пырать. Кăçал социаллă пĕлтерĕшлĕ проектсем те малалла тăсăлмалла. Çакăн пирки Раççей Федерацийĕн Президенчĕ Владимир Путин хăйĕн Патшалăх Думине янă Çырăвĕнче каланăччĕ. Ку енĕпе вара ĕçлемелле те ĕçлемелле, кашнин хăйĕн тивĕçĕпе яваплăхне туймалла. Тепĕр самант: Республика Пуçлăхĕ хăйĕн Çырăвĕнче кадрсен ыйтăвне те çивĕч хускатнă. Çĕрпе усă курасси, преступноçпа хирĕç кĕрешеси те малашне тĕп тимлĕхре пулĕç. Хăйĕн Çырăвĕнче Михаил Игнатьев ялхуçалăхне аталантарасси çинчен анлăн каланă.
В.ДЕНИСОВ, район администрацийĕн пуçлăхĕ.