Публикации » Тумла пăрĕ, грипп…

03 февраля 2016 г.

Тунтикун район администрацийĕн пуçлăхĕ ирттернĕ ĕçлĕ планеркăра район пурнăçĕнчи çивĕч ыйтусене çĕкленĕ. Район администрацийĕн пуçлăхĕ Владимир Денисов грипп чирĕ сарăласран профилактика ĕçне анлăн сармаллине палăртнă. Сывлăх хуралĕн ĕçченĕсен уйрăмах тимлĕ пулмалла, çынсене васкавлă пулăшу парассишĕн тăрăшмалла. Çанталăк ăшăтнă май, çуртсем çинчен тумла пăрĕ е юр катăлса анни çынсен пурнăçĕшĕн хăрушлăх кăларса тăратма пултарать. Вăраха ямасăр, районта çурт-хуралтă çивиттийĕсене юртан тасатмалла, çынсем иртсе çỹрекен вырăнсене асăрхаттару хăйăвĕпе пỹлмелле. Планеркăра район пурнăçĕнчи ытти ыйтусене те сỹтсе явнă.