Публикации » Сỹтсе явмалли сахал мар

03 февраля 2016 г.

Çак кунсенче «Шăмăршă районĕнчи клубсен системи» Автономи учрежденийĕнче ялсенчи культура ĕçченĕсен семинар- канашлăвĕ пулса иртнĕ. Ăна районти «Клубсен тытăмĕ» АУ директорĕ В.Львова уçнă, тĕрлĕрен ыйтусене вырăнтах татса памалли майсем çинче чарăнса тăнă. Тĕп тĕллев - маларах туса ирттернĕ ĕçсен пĕтĕмлетĕвĕ, кăçал республикăра Ĕç çыннин çулталăкĕ пулнине шута илсе ĕçлесси, тĕрлĕрен мероприятисем йĕркелесси пирки те калаçнă семинар-канашлура. Çавăн пекех районта Ĕç çыннин çулталăкне уçмалли репертуара, сценарие çирĕплетнĕ. Çакна та манмалла мар - 2016 çул - Раççейри кино çулталăкĕ те. Канашлăва хутшăннисем «Централизациленĕ клубсен системи» Автономи учрежденийĕн кăçалхи ĕç планĕпе, республика шайĕнче районта фестивальсемпе конкурссем ирттермелли тĕллевсемпе паллашнă.

М.ЮМАНОВА.