13 февраля 2016 г.
.jpg "Утмăл çул - мăшăрпа пĕрле")
.Иккĕшĕ те вĕсем - ĕç ветеранĕсем, тăван колхозра тăрăшса ĕçлесе ырă ят тивĕçнĕ. Пилĕк ача çуратса ỹстернĕ, пурнăç çулĕ çине кăларнă. Ватăсене вунпĕр мăнукĕпе мăнукĕсен ултă ачи савăнăç кỹреççĕ. «Бриллиант туй» ячĕпе Мушараповсене районти ЗАГС пайĕн пуçлăхĕ Татьяна Матвеева тата Пăчăрлă Пашьел ял тăрăхĕн специалисчĕ Лариса Драгунова чĕререн саламланă, район администрацийĕн пуçлăхĕн Владимир Денисовăн Тав çырăвĕпе чысланă. Çемье телейĕ мĕнре пулни пирки ыйтсан, Хеснулла Велиулловичпа Хабире Ахметзяновна пĕр шухăшлăн çапла каларĕç: - Пĕр-пĕрне хисеплемелле, юратмалла. Хĕрарăмăн арçын сăмахĕнчен иртмелле мар, арçыннăн та мăшăрĕн шухăшне шута илмелле. Килти çỹп-çапа урама кăлармасăр, ял çинче ят ямасăр пурăнмалла.
М.ЮМАНОВА.