Публикации » Кăтартусене лайăхлатсах пымалла

20 февраля 2016 г.

ĔНЕР районти Культура Керменĕнче «Шăмăршă районĕн 2015 çулхи социаллă пурнăçĕпе экономика аталанăвĕ тата 2016 çулхи тĕллевсем» темăпа анлă канашлу иртнĕ. Унта район администрацийĕн пуçлăхĕ Владимир Денисов тунă доклада итлесе сỹтсе явнă. Канашлу ĕçне Чăваш Республикин Пуçлăхĕ Михаил Игнатьев, республикăри тĕрлĕ министерствăсенчи яваплă çынсем хутшăннă, районăн экономика аталанăвне тишкерсе тухнă май татса памалли ыйтусене те çĕкленĕ. Уйрăммăн илсен, пĕчĕк тата вăтам предпринимателлĕх субъекчĕсен бюджетран паракан грантсемпе субсидисем илессишĕн тăрăшмаллине, районта инноваци технологийĕсене анлăрах пурнăçа кĕртмеллине, налуксем ытларах пухăнмалли резервсемпе çителĕксĕр усă курнине палăртнă. Канашлу ĕçĕ-хĕлĕпе хаçатăн çитес номерĕнче тĕплĕнрех паллаштарăпăр.