Публикации » Вут-çулăм ан хăраттăр

27 марта 2013 г.

Çу кунĕсем мĕнлерех килессе малтанах пĕлсе тăма май çук: çанталăк йĕпе-сапана та кайма пултарать е шăрăх тăрĕ.

Вăрманта вара яланах асăрхануллă пулмалла – "хĕрлĕ автан" çуначĕсене ан сартăр. Çавăнпах ĕнтĕ вăрманçăсем пушартан хÿтĕленес тата ăна хирĕç кĕрешес ĕçе малтанах хатĕрленме тытăнаççĕ. Çак кунсенче шăпах ку ыйтусемпе "Чăваш вăрманĕ" наци паркĕнче анлă канашлу пулса иртнĕ. Унта хутшăннă право, ĕç тăвакан влаç органĕсен ĕçченĕсем, ял тăрăхĕсен пуçлăхĕсем, наци паркĕн сотрудникĕсем асăннă ыйтусене татса парас тĕлĕшпе пĕрле ĕçлемеллине палăртнă.