22 марта 2016 г.
ИРТНĔ эрнере Раççейĕн 18 регионĕнчи, Китай Халăх Республикинчи культура, туризм, вĕренỹ специалисчĕсем Чăваш Енре йĕркеленĕ регионсен хушшинчи «Чĕрĕ уроксем. Туроператорсемпе вĕренỹ учрежденийĕсем килĕштерсе ĕçлесси» конференцине пуçтарăннă. Ку ĕçе республика Пуçлăхĕ Михаил Игнатьев хутшăннă. Аса илтеретпĕр, 2013 çултанпа Чăваш Республики туризма аталантарас тĕлĕшпе пурнăçланакан федераци тĕллевлĕ программине хутшăнать. Çавнашкалах çак йышра _ Хакассипе Свердловск облаçĕсем. Михаил Васильевич республикăн çитĕнĕвĕсемпе паллаштарнă. Хуласенче тата ял тăрăхĕсенче инфратытăм аталаннине палăртнă. Республикăри демографи лару-тăрăвĕ лайăх енне улшăнни, нумай ачаллă çемьесен йышĕ ỹсни, 85-рен тата 100 çултан иртнисен йышĕ çулсерен пысăкланни пирки каланă вăл. Унăн шухăшĕпе, çак проект çĕршыв патриочĕсене çитĕнтерме пулăшĕ. РФ Правительстви çумĕнчи Аналитика центрĕн ертỹçин канашçи Нурали Резванов каланă тăрăх, Шупашкар Атăл çинчи шыв туризмĕн лидерĕ пулма пултарать. Регионсем хушшинчи экскурсипе вĕренĕве аталантарас «Чĕрĕ уроксем» кон- ференцие «Чăваш вăрманĕ» наци паркĕ те хутшăннă. Унта пулнисем ача-пăча туризмне ата- лантарас ыйтусене те сỹтсе явнă. «Чĕрĕ уроксем» _ хăйне евĕрлĕ проект, унăн пĕлтерĕшĕ анлă. Çакă малашне наци паркне туристсене ытларах явăçтарма май парĕ. Туризма аталантарма пирĕн районта та май- сем пур. Ку тĕлĕшпе районта ятарлă план туса хатĕрленĕ. Çак планпа килĕшỹллĕн, инфраструктурăна лайăхлатма палăртнă. Конференци йышăннă документсене сỹтсе явнă май, районти вĕренỹ учрежденийĕ- сен те туризма аталантарасси пирки шутласа пăхмаллах.