Публикации » Ача хăрушлăхра пулсан…

22 марта 2016 г.

СЛЕДСТВИ комитечĕн республикăри управленийĕ хăйĕн «шанăç телефонĕн» тата «Ача хăрушлăхра» тỹрĕ телефон линийĕн номерĕсем улшăнни çинчен пĕлтерет. Малашне «шанăç телефонпе» (8352)624-658 номерпе шăнкăравламалла, ача хăрушлăхра пулнине вара (8352) 624- 657 номерпе пĕлтермелле. «Ача хăрушлăхра» линипе кĕсье телефонĕпе çыхăнмалли номер унчченхиех – 123. «Шанăç телефонĕпе» След- стви управленине пĕр-пĕр преступлени пирки е кам та пулин преступлени тума хатĕрленни çинчен кашни гражданин шăнкăравласа пĕлтерме пултарать. Çавăн пекех СК следователĕсен правăна хирĕçле ĕçĕсем е вĕсем тивĕçлĕ мерăсем йышăнманни çинчен те çак номерпех пĕлтерме май пур. «Ача хăрушлăхра» линие вара çул çитменнисен прависемпе саккунлă интересĕсене пăсни çинчен пĕлтернисем тăрăх оперативлă мерăсем йышăнма уçнă. Телефон линийĕсем иккĕшĕ те талăкĕпех ĕçлеççĕ, ку ĕçе СУ ертỹçисем тĕрĕслесе тăраççĕ. Çак информацие ашшĕ-амăшĕн, шкулсемпе ача сачĕсен ертỹçисен шута илмелле тата асра тытмалла.