05 апреля 2016 г.
РАЙОНТА волейбол вăййи анлăран та анлă сарăлса пыни савăнтарать. Шкулсенче те, ялсенче те çак вăййа килĕштерекенсем нумайланаççĕ. Ку тĕлĕшпе район администрацийĕн пуçлăхĕ Владимир Денисов пуçаруллă пулнине, ытти ертỹçĕсене хавхалантарма тăрăшнине те палăртмалла. Мартăн 31-мĕшĕнче Шăмăршăри вăтам шкулти спорт залĕнче район пĕлтерĕшлĕ ăмăртăвăн финал вăййисем иртрĕç. Çивĕч кĕрешỹре Карапай Шăмăршă ял тăрăхĕн команди (капитанĕ Егор Александров) _ пĕрремĕш, Васан ял тăрăхĕн «Васан» команди (Вита- лий Смаев) _ иккĕмĕш, Виçпỹрт Шăмăршă ялĕн «Карла» команди (Владимир Абсалямов) _ виççĕмĕш вырăн йышăнчĕç. Çĕнтерỹçĕсене Грамотăсемпе тата медальсемпе чысларăмăр.
В.АНТОНОВ, ăмăртăвăн тĕп судйи.