05 апреля 2016 г.
ÇУЛТАЛĂК пуçланнăранпа районти пĕчĕк ачапа ларакан икĕ çамрăк хĕрарăм вĕренсе хушма професси илнĕ, ĕçе вырнаçнă. Хальхи вăхăтра тепĕр хĕрарăм хушма професси илет. Районти халăха ĕçпе тивĕçтерекен центр пĕчĕк ачаллă хĕрарăмсене çĕнĕ професси илме пулăшас тĕлĕшпе пысăк ĕç тăвать. Ачи виçĕ çула çитиччен вĕсем, центр пулăшнипе, вĕренме пултараççĕ. Акă, апрель уйăхĕнче тата икĕ çамрăк хĕрарăм, ĕç параканпа килĕшỹ туса, çĕнĕ професси илме пултарĕ. Çак программа чылай вăхăт ĕçлемесĕр тăнă ача амăшĕсене ĕçе вырнаçма е унчченхи ĕç вырăнĕнче вăй хума çирĕп шанăç парать. Çавăнпа та эпир ĕçлес кăмăл пур ача амăшĕсене тата ĕç паракансене республика программине хутшăнма чĕнетпĕр. Пирĕн адрес: Шăмăршă ялĕ, Ленин урамĕ, 14. Т.: 2-31- 98.
С.КУЗЬМИН , районти халăха ĕçпе тивĕçтерекен центр директорĕ.