Публикации » Экологи марафонĕ

05 апреля 2016 г.

РЕСПУБЛИКĂРА экологи мероприятийĕсем иртни пирки «Чăваш вăрманĕ» наци паркне хыпарсем килсех тăраççĕ. Информацисен ытларах пайĕ _ «Çĕр пире шаннине тỹрре кăларар» экологи марафонĕпе çыхăннă. «Раççейри уйрăмах сыхлакан территорисем» наукăпа практика конференцийĕ Улатăрта 7-мĕш вăтам шкулти саккăрмĕш класра иртнĕ. Ачасем конференцие тĕплĕн хатĕрленнĕ, мультимеди презентацийĕсене, тематика плакачĕсене тăратнă. Экологи марафонне ирттересси çинчен пĕлсен, унта Шăмăршăри «Сказка» ача садне çỹрекенсем те хутшăнма кăмăл тунă. Кунта тĕллевлĕ тематика урокĕсем йĕркеленĕ. Пĕтĕм тĕнчери Çĕр кунне халалланă «Çĕр _ пирĕн пĕрлехи кил» театрализациленĕ уяв та пысăк шайра, ăнăçлă иртнĕ. Çакă çитĕнекен çамрăк ăрăва çутçанталăка, тăван тавралăха юратса ỹсме пулăшать.

С.ЛАРИОНОВА.