Публикации » Çул-йĕр тăвасси _ тĕп тимлĕхре

08 апреля 2016 г.

АПРЕЛĔН 5-мĕшĕнче Чăваш Республикин транспорт тата çул-йĕр хуçалăхĕн министрĕ Владимир Доброхотов Шăмăршă районĕн администрацийĕн пуçлăхĕпе Владимир Денисовпа ĕçлĕ тĕлпулу йĕркеленĕ. Тĕлпулу вăхăтĕнче 2016 çулта районта автомобиль çулĕсем юсас тата çĕнĕрен тăвас ыйтусене çĕкленĕ. Пĕлтернĕччĕ ĕнтĕ, Шăмăршă районĕнче кăçал унччен пуçланă 5 объекта вĕçлемелле. Çул тунă çĕрте «Чувашавтодор» ОАО ĕçлет, тĕп ĕçсем апрель уйăхĕн варрринче пуçланĕç. «Чувашавтодорăн» Шăмăршăри управленийĕсĕр пуçне, çул тунă çĕрте Патăрьелĕнчи ДРСУ вăйĕпе те усă курма шутлаççĕ. Министр çак ĕçсене вĕçлесси кăçал пĕрремĕш черетре тăнине палăртнă. Çав кунах Шăмăршă район администрацийĕн пуçлăхĕ Владимир Денисов регион тата муниципал пĕлтерĕшлĕ çулсене юсас ĕçе хăвăртлатас тĕлĕшпе ирттернĕ канашлу ĕçне хутшăннă.

А.ЦЫМБАЛ.