19 апреля 2016 г.
ÇУР ĕмĕр пĕр çемьере _ килĕшỹре, çума-çуммăн, пĕр-пĕрне ăнланса та упраса. Çапла 50 çул пурăнаççĕ Кивĕ Чукалти Валентинпа Елизавета Чамеевсем. Пĕрле çурт-йĕр çавăрнă, 4 ача çуратса ура çине тăратнă. Ĕçрен те пĕр кун юлман: Валентин Федорович тăван колхозра шоферта вăй хунă, Елизавета Сергеевна ĕне сунă, повар тивĕçĕнче тăрăшнă. Вĕсене ĕçри çитĕнỹсемшĕн панă Дипломсемпе Тав хучĕсен шучĕ те çук. Халĕ ĕнтĕ иккĕшĕ те ĕç ветеранĕсем. Пилĕк мăнук вĕсен. Чамеевсем хăйсен ĕçченлĕхĕпе тата савăк кăмăлĕпе ачисемпе мăнукĕсемшĕн ырă тĕслĕх пулса тăраççĕ. Хисеплĕ юбилярсене район администрацийĕн ЗАГС пайĕн ертỹçи Т.Матвеева, Кивĕ Чукал ял тăрăхĕн пуçлăхĕ А.Чамеев чун-чĕререн саламларĕç, ырлăх-сывлăх сунса асăнмалăх парнесем пачĕç. Çавăн пекех çак кунсенче Вырăс Чукалĕнчи Беловсем те _ Иван Егоровичпа Раиса Ивановна _ 55 çулхи çемье юбилейне паллă турĕç. Иван Егорович та пенсие кайичченех колхозра та, лесникре те ĕçлесе хисепе тивĕçнĕ. Вĕсем 4 ачана кун çути парса пурнăç çулĕ çине кăларнă. Халĕ ватăсене 4 мăнукпа 3 кĕçĕн мăнукĕ савăнтарса тăраççĕ. Çитес вăхăтрах Шăмăршăра пурăнакан Фроловсем те 55 çулхи юбилейне кĕтсе илме хатĕрленеççĕ. Юрий Михайловичпа Валентина Петровна та ĕçчен те тирпейлĕ мăшăр, ял-йышра ырă ята тивĕçнĕ. Вĕсен туслă çемйинче икĕ ача çитĕннĕ, ашшĕ-амăшĕнчен тĕрĕс пурăнма вĕреннĕ. Пурне те юбилей ячĕпе ăшшăн саламлатпăр, вăрăм ĕмĕр, телей сунатпăр.
М.ЕФИМОВА.