Публикации » Ĕçчен çынсем _ хисепре

26 апреля 2016 г.

КĂÇАЛ республикăра Ĕç çыннин çулталăкĕ пулнă май, Шăмăршă районĕнче ĕçре палăрнисен сăнỹкерчĕкĕсене вырнаçтарнă стенд йĕркеленĕ. Пуçаруçă _ «Шăмăршă хыпарĕ» хаçат редакцийĕ. И.Саландаев журналист унчченхи ырă йăлана каялла тавăрма шутланине халăх ырласа йышăнчĕ. Район администрацийĕн пуçлăхĕ В.Денисов ертсе пыракан ятарлă комисси ĕç коллективĕсем стенда кĕртме тăратнă çынсен характеристикисене пăхса тухнă, кандидатурăсене сỹтсе явнă. Стенд хатĕр ĕнтĕ. Унта ĕçре хисепе тивĕçнĕ 16 çыннăн сăнукерчĕкĕ пулать. Хисеп хăмине чаплă лару-тăрура Шăмăршăри Культура Керменĕ умĕнче эрнекун, апрелĕн 29-мĕшĕнче, 11 сехетре уçаççĕ. Пĕрлех çемье династийĕсене те чыслаççĕ. Çак савăнăçлă мероприятие Шупашкартан та хăнасем килеççĕ. Вырăнти пултарулăх ушкăнĕсем концерт программи хатĕрлеççĕ. Уява районти мĕнпур çынна йыхравлатпăр!

(Хамăр корр).