Публикации » Ĕмĕр тỹрленми суран

26 апреля 2016 г.

АПРЕЛĔН 26-мĕшĕнче эпир Чернобыльти атом электростанцийĕнчи хăрушă катастрофăра вилнисене асăнатпăр. Шăпах 30 çул каялла _ 1986 çулхи апрелĕн 26-мĕшĕнче _ этемлĕх историйĕнчи чи пысăк атом катастрофи пулнă _ Чернобыль АЭСĕн тăваттăмĕш ядерлă реакторĕ сирпĕннĕ. Реакторта 180-190 тонна ядерлă топливо (уран диоксичĕ) пулнă. Тавралăх _ 200 пин тăваткал километр таран – радиаципе с иен- леннĕ.Çĕршывăн тĕрлĕ кĕтесĕсенчен пынă пин-пин çын авари хăрушлăхне сиенсĕрлетме хутшăннă. Пирĕн районтан та 1987-1988 çулсенче Чернобыльте 6 çын пулнă. Хăшĕ-пĕри, сывлăхĕ тăруках япăхланнипе, вăхăтсăр çĕре кĕнĕ. Хальхи вăхăтра вĕсенчен сахалăшĕ çеç чĕрĕ пурăнать. Радиаци тусанĕнчен тасатнă çĕрте ĕçленипе халĕ чир-чĕрпе нушаланаççĕ. Шăмăршăри «Тĕп библиотека тытăмĕ», çак инкеке аса илтерсе, «Вечное эхо Чернобыля» кĕнеке куравĕ йĕркелерĕ, Шăмăршăри вăтам шкулта вĕренекенсем валли асăннă трагеди çинчен мероприяти хатĕрлерлесе ирттерчĕ. Çĕр çинче нихăçан та тепĕр Чернобыль ан пултăрччĕ!

И.МОРОЗОВА.