Публикации » Ачасемпе çула тухсан…

06 мая 2016 г.

АПРЕЛĔН 14-мĕшĕнче Шăмăршă район территорийĕнче «Ачасем. Ачасене илсе çỹремелли хатĕр» ятпа профилактика мероприятийĕ иртнĕ. Çак кун çул-йĕр патруль службин нарячĕсем автомобиль салонĕнче ачасене лартса çỹремелли ятарлă хатĕр пуррине тĕрĕсленĕ. Ку тĕлĕшпе хăш-пĕр водительсем йĕркене пăснине тупса палăртнă. Пĕр водителе администраци енĕпе яваплăх тыттарма тивнĕ. Пурĕ çул çинчи хăрушсăрлăх правилисене пăснăшăн 9 çынна администраци енĕпе яваплăх тыттарнă, çав шутра пĕр ỹсĕр водителе те. Тепĕр хут аса илтеретпĕр: автомобиль салонĕнче ачана хăрушсăрлăх ременĕпе çыхăнтармалла. Ку ахальтен мар _ статистика цифрисем пурне те шухăша яраççĕ. Пĕчĕк пассажирсене чĕрке çинче тытса пыма та юрамасть. Манса ан кайăр: ачасене çул çинче лартса çỹремелли йĕркене пăснăшăн тỹлеттермелли штраф виçи _ 3000 тенкĕ.

Г.ИВАНОВА.