Публикации » Вячеслав Еливанов капитан

06 мая 2016 г.

ВЯЧЕСЛАВ ЕЛИВАНОВ 1916 çулта Пăчăрлă Пашьел ялĕнче çуралнă. Хусан университечĕн биологи факультетне пĕтернĕ. Тăван çĕршывăн Аслă вăрçи пуçланнă хыççăн икĕ кунтанах Вячеслава фронта илнĕ. Пĕрремĕш наградине _ «Çапăçури паллă ĕçсемшĕн» медале _ Курск пĕккинчи хаяр çапăçушăн тивĕçнĕ. Брянск, Ленинград, Иккĕмĕш Прибалтика фрончĕсенче çапăçнă. Пĕрремĕш Ударнăй çарта Вячеслав Еливанов артдивизион разведкин начальникĕн тивĕçне пурнăçланă. Ленинград блокадине сирсе ывăтнă чух паттăрлăх кăтартнăшăн ăна Хĕрлĕ Çăлтăр орденпа наградăланă. Вăрçа Вячеслав Васильевич Инçет Хĕвелтухăçĕнче вĕçленĕ. 1946 çулхи август уйăхĕнче Вячеслав Еливанов капитан тăван ялне таврăннă. Вăрçă хыççăнхи çулсенче Вячеслав Еливанов Брянск облаçĕнче шкул директорĕ, Новозыбковски пединститут деканĕ пулса ĕçленĕ. 1970 çулта вăл Чăваш Ене таврăннă, тивĕçлĕ канăва тухичченех Муркаш районĕнче шкул директорĕнче вăй хунă. Еливановсем _ Пăчăрлă Пашьел ялĕн хисеплĕ çыннисем. Вĕсем пурте Тăван çĕршыв умĕнче тава тивĕçлĕ ĕçсемпе палăрнă.

В.УГАРИН.