11 мая 2016 г.
УЯВ умĕн район администрацийĕн пуçлăхĕ Владимир Денисов Пăчăрлă Пашьел тăрăхĕнчи хуçалăхсенче пулчĕ, çурхи ака-суха ĕçĕсемпе паллашрĕ. В.Юманов, С.Данилов, А.Сатеев, Ю.Никитин, В.Симурзин фермерсемпе хирте тĕл пулса калаçрĕ. Владимир Васильевич фермерсен шухăш-кăмăлĕпе интересленчĕ. _ Пирĕн çĕрсем часах ĕлкĕреймеççĕ, çавăнпа уй-хир ĕçĕсем те тăсăлаççĕ. Апла пулин те ĕç хăвăртлăхĕпе пахалăхĕ çине пысăк тимлĕх уйăратпăр, _ терĕ Çĕнĕ Чукалти Валерий Симурзин фермер. Вăл кăçал 220 гектар тĕштырă тата 36 гектар çĕрулми çитĕнтересшĕн, нумай çул ỹсекен курăксем те акать. Вăрлăх çителĕклĕ, çунтармалли-сĕрмелли материалсем кирлĕ чухлĕ хатĕрленĕ, минерал удобренийĕ пирки те чăрмав пулмĕ.
В.АЛЕКСЕЕВ.