Публикации » Ташă ăстисем - шăмăршăсем

13 мая 2016 г.

2015-2016 вĕренỹ çулĕнче те республикăра «Ташлакан шкул» проект ĕçлерĕ. Вăл пурнăçа кĕни кăçалхипе пиллĕкмĕш çул ĕнтĕ. Унăн ĕçне майăн 6 - мĕшĕнче Шупашкарта, Наци библиотекинче, пĕтĕмлетрĕç. Проект йĕркипе килĕшỹллĕн, тĕрлĕ районсемпе хуласенчен килнĕ ачасен 27 ташă коллективĕ 6 номинацире тупăшрĕ. Пирĕн районтан çак конкурса Шăмăршăри вăтам шкулта 5-мĕш «в» класра вĕренекенсем – «Фламинго» ташă ушкăнне çỹрекенсем _ хутшăнчĕç. Вĕсем «Халăх ташши» номинацире авар халăхĕн ташă композицийĕпе хăйсен ỹсĕмĕнчи ташăçăсем хушшинче 2-мĕш вырăн йышăнма пултарчĕç. Проектăн чи хĕрỹ саманчĕ «Ташлакан шкул» тата «База площадки» конкурссем пулчĕç. Кунта та çитĕнỹсем кĕтрĕç шăмăршăсене. «2016 çулхи ташлакан шкул» номинацире Шăмăршăри вăтам шкул 2-мĕш вырăн йышăнчĕ, «База площадки» номинацире вара çĕнтерỹçĕ ята тивĕçрĕ. Маттур, çамрăк ташăçăсем! Шкул ачисене Шупашкара çак конкурса илсе кайса килнĕшĕн 5-мĕш «в» класс ачисем тата вĕсен ашшĕ-амăшĕ Эдуард Германович Ларшников спонсора чун-чĕререн тав тăваççĕ.

В.КУЗЬМИНА.