Публикации » Йышпа ĕç те ăнать

20 мая 2016 г.

УКÇА чул кастарнă тапхăрта та тỹлевсĕр ĕçрен пăрăнманнисем сахал мар. Çак кунсенче акă Пăчăрлă Пашьелĕнчи «Радуга» ача сачĕн çурчĕн тăррин шулапне улăштарма вунă çын хутшăнчĕ. Г.Марков суббот- нике килнисене юсав ирттерме строительство материалĕсемпе тỹлевсĕрех тивĕçтерчĕ. Субботнике килнисенчен чи хастаррисем _ В.Малышевпа Ю.Саминов. Вĕсем пĕтĕм ĕçе йĕркелесе пычĕç. Ĕçлекенсене Н.Судуковапа Н.Малышева вĕри апатпа сăйларĕç. Ĕç хыççăн, паллах, çỹп-çап та юлать. Ăна садикре вăй хуракан Т.Евлешкина тата Т.Саминова çийĕнчех пуçтарчĕç, садик территорине тирпей-илем кĕртрĕç. В.МАЛЫШЕВ.