27 мая 2016 г.
АЛЕКСАНДРА ИЗМАЙЛОВА Карапай Шăмăршăри вăтам шкулта 11-мĕш класра вĕренет.Тăван шкулпа сывпуллашмалли самант та çывхарсах пырать. тура Керменне ташлама çỹрерĕ, Патăрьелĕнчи искусство шкулĕнче вара фортепьянăпа калама тата унтах вокал уйрăмĕнче юрлама вĕренчĕ. Пултарулăхĕ те пурах çав ĕнтĕ _ районти, республикăри юрă фестивалĕсемпе конкурсĕсенче кашни çулах çĕнтерỹçĕ е призер пулнă, пайтах Диплом çĕнсе илнĕ. Эстрада юррисене уйрăмах килĕштерет. Халăх юррисене те, лирикăлла, патриотла юрăсене те çĕкленỹллĕ шăрантарать. Сасси уçă, илемлĕ, янăравлă. Шкулта пĕр культура мероприятийĕ те унсăр иртмест. Вĕренỹ предмечĕсенчен ытларах биологие, химие, физикăна кăмăллать. Çак наукăсемпе хăй тĕллĕн те пĕлĕвне тарăнлатать. Район шайĕнчи олимпиадăсене кашни çулах хутшăнса Хисеп грамотисене тивĕçнĕ. Районта иртекен наукăпа практика конференцийĕсенче «Хими, биологи, экологи» секцийĕнче час-часах хăй хатĕрленĕ тĕпчев ĕçĕсене хỹтĕленĕ, кашнинчех 1-мĕш вырăн йышăннă. «Туслăх хĕлхемĕ» район фестивалĕнче те пĕрре мар çĕнтерме пултарнă. Çĕршыв историйĕпе çыхăннă республика шайĕнчи викторинăра та Диплома тивĕçнĕ, «Чăваш вăрманĕ» наци паркĕ ирттерекен конкурссенче те палăрнă. Александра класри, шкулти мероприятисене те активлă хутшăнать. Кирек мĕнле ĕçе те тỹрĕ кăмăлпа, тĕплĕн пурнăçлать. Класра пуринпе те туслă, кирлĕ чухне тантăшĕсене хаваспах пулăшать. Хуть хăçан та хăйне лăпкă тытма пĕлет _ яланах сăпайлă, ырă кăмăллă. Ахальтен мар ăна класĕнче пурте хисеплеççĕ. Илĕртỹллĕ саслă, вĕренỹре тăрăшуллă республика Пуçлăхĕн стипендиатне экзаменсенче пысăк баллсем пухса хăй кăмăллакан специальноçпа вĕренме кĕме ăнăçу пултăр!
Г.ИВАНОВА.